Isaias Carrasco

Kaixo.

Oraingoan gertaera gaizto batek bultzatzen nau bloga eguneratzera. Gaur 13:00 partean ETAk PSOEko konzejal ohi bat hil du, hiru tiro buruan eman ondoren. Garai frankisten antzera, pertsona bat bapatean azaldu eta pistolaren kanoia begi tartean ipinita egin dio tiro, ondoren ospa egiteko itxaroten zion kotxe batean, ondo koordinatutako operazio odoltsu eta anker batean.

PSOEkoen politika gorroto dut, haien liderrak gorroto ditut, euskadiko sozialistak monagilloak eta marionetak direla uste dut gainera, Madrilekoen mende beti, ez dute hitzik, Madrilekoa baizik. Hilketek ordea gorroto handiagoa generatzen dute, hauek orain presoak torturatuko dituzte eta dena delakoak, eta gero ETAkoek beste hilketa bat eta gero berriro hauek eta berriro eta berriro... berriro... Nazkaturik!

Espainiarren astakeriak salatzen dituzten bitartean honelako ekintzak egiten dituzte! Baina zertan ari haiz?¿ Bati faxista eta hiltzailea deitu eta gero hik ere berbera egiten duk!! Herriak eskatzen dikenari muzin egin ta errugabeak hiltzen dituk!! Hoa pikutara!!

Honelakoa duela asko ez zen gertatzen, ez dakit zergatik. Baina gaurkoan gertatu denetik betikoa esan dezakegu, kokoteraino gaudela haietaz eta honelako hilketek zentzurik ez dutela. Hori al da zuen plana Euskal Herriaren Independentzia lortzeko?¿ Hoa pikutara!!

Independentzia lortzeko proiektu bat izan behar da mahai gainean, nola iritsi Independentzia batera(ditugun posibilitateen barruan, armen bidez ezin dugu, armak dituzuenak lau katu zarete eta gerrak ez dira irabazten pertsona errugabeak hiltzen), eta ondorengoa prestatu, behin puntu honetara iritsita ez dugu dena lortu, estatu libre baten beharrak kontutan hartu gabe. Hori guztia herriaren babesa duen gobernu plural batek presta eta lor dezake soilik, oinarri solido batzuen bitartez, aipatu moduan herriaren babesaz.

Euskal Herriak Independentziara bidean hiru oztopo ditu, Estatu Espainiarra, Frantziarra eta ETA. Hiruak arazo larriak dira, baina GU baturik ez bagaude, batasunik ez badugu oker gabiltza eta bi estatu faxista hauei poz handia ematen diete konfrontazio honek.

Ez dakit, aurten ea zer gertatzen den Urriari begira batez ere... nork daki...

Momentuz ea abertzaleak batzen joaten garen, komunean ditugun interesak egi bihur ditzagun abertzale guztiok batera.

Besterik ez, GORA ETARIK GABEKO EUSKAL HERRIA INDEPENDIENTEA!!